السلامــ عليكم ورحمة الله وبركاته
تــــــــــــجـــــــــاربــــك
كنت أبرر لك وأقول إنك تمون
كنت أشوفك نفسي وماأعاتبك
كل ماتخطي أقل عد وتهووون
والخطاإني بالخطا ماأحاسبك
كنت أعلمك الهوى ذوق وفنون
كم عطيتك حب دون أطااالبك
كلمه بكلمه أترجم لك بهووون
بأعذب الإحساس كنت أخاطبك
بالأغاني ~ بالقصايد ~ باللحون
كنت أطرب لك و غيري طاربك..
كنت يوم أستاذك الغض الحنون
و كنت يوم أستاذ و أنا طالبك ..
من غرامي لك تعلمت الجنون
طير عقلي عقب حبك طااار بك
كنت ورد العمر كله و الغصون
كنت سر الشوق داخل صاحبك..
مسكنك بالعين ولحافك جفون
وإن خذاك البرد دمي لاهبك ..
كنت ماأحس بفرح وإنت محزون
و كنت في عز الهموم ألاعبك ..
كنت زاد الروح و بعادك منون
و إن ضميت أروى لأني شاربك
كنت ملجاي ~ وملاذي ~ والمتون
وكنت أنا أسند طولي إليا مال بك
كنت أقول إني عقب عينك ماأكون
وإن خذاك الموت أكون بجانبك..
معك نفس اللحدوبنفس الكفون
يمكن أحمل شي من متاعبك ..
كنت أحس إني لوحدي فيك كون
و إن أنا وحدي و بس أناسبك..
ماحسبت لطعنتك بين الطعون
لين ذقت الجرح من مخالبك ..
كنت أكذب فيك ~ ألاف ~الضنون
كنت أشوف وماأسأل إش مأآربك
كنت أغبى شخص تلمحه العيون
غارق فبحرك و أبي مراكبك ..
تابع لغدرك وأنا طيب وأصون
سلم من سالم وصعب أحاربك
مابنيت قلاع~و أوكار~ وحصون
كنت ،، تغلبني ،، وكني غالبك
طهر قلبي معك علمك المجون
لين شفت الكيل مني فاض بك
فطرة الإنسان كذاااب و يخون
وإن غدرت إغدر ترى من واجبك
سو ماودك على كيفك تمون
مارس غرورك و إرفع حاجبك
(مو قهر ) لاصرت بعيونك أهون
(مو قهر ) لاصار غيري عاجبك
عش حياتك حر بأحلام وشجون
المكان الرحب فيني ضاق بك
بس أنا بسأل وجاوب يافتووون
ليه صرت ( الفار ) في تجاربك !!